Et ass elo Summer an eis Beien hu gutt geschafft, et ass vill Hunnig an de Kësten an dee giffe mir gäre mat iech deelen. Dofir hu mir elo Wabenhunnig preparéiert, deen dir sou wei en ass kënnt mat der Wab knaen. Eng absolut Spezialitéit fir d‘ Summersaison. Den Hunnig bleift e puer Woche flëssig a fänkt dann u mat kristalliséieren.
 

 Den Ufank vum Summer markéiert den Héichpunkt vun der Beiesaison, d‘ Beievëlker hunn den Hunnig elo bal all an de Kësten a fänken u sich op de Wanter ze preparéieren. D‘ Beievëlker ginn elo rëm mi kleng an d‘ Arbichterinnen fänken un d‘ Drohnen (Männlech Beien) virun d‘ Dier ze geheie well se net mei gebraucht ginn.

Zu Kalber gëtt Wëlkar (Silberbuchweizen) ugebaut fir Miel ze produzéieren. Den Hunnig vum Wëlkar huet e gudde kräftige Goût an ass elo ufank Juni a voller Bléi. Mir hun e Beiestand no bäi, wann d‘ Wieder matspillt gëtt et eng gutt Recolte.

Haut de Moien ware mir bäi guddem warme Wieder mat eisem frësch geschleiderten Hunnig um Stater Maart. Hei e puer Fotoen: